عدد الرسائل : 268 العمر : 45 الاوسمه : my sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">اكتب الرساله التى تحب ظهورها من ملفك الشخصي</marquee></fieldset></form><!--- MySMS By AlBa7ar Semauae.com --> تاريخ التسجيل : 09/10/2007
موضوع: سيرة الشاعر البطل شالح بن هدلان ونماذج من شعره الثلاثاء يناير 15, 2008 5:25 pm
السلام عليكم ورحمة الله وبركاته ..وبعد إليكم ...سيرة شاعر عظيم إخترتها لكم من الارشيف ...أسال الله ان تنال إعجابكم......
هو الفارس المشهور / شالح بن حطاب بن هدلان بن قاشان بن قريان بن دراج بن حسن بن خنفر أل محمد .. الجحادر .. القحطاني لايعرف تاريخ ميلاده بالتحديد ولكنه توفي سنة 1340هـ 1341هـ تقريباّ قرب ضرما نشأ شالح بين أفراد قبيلته الخنافره من قحطان فكان مثاليّا بشجاعته وامانته وصدقه وكرمه وحسن خلقه وكان يحكم لحل المشاكل سواء ٍ كانت قبيلته اوّ فرديّه فكان محبوباّ عند قبائل قحطان والقبائل الاخرى كان الفديع أصغر من شالح سنّا ولكنه يماثل اخيه شالح في كل شي بشجاعته باخلاقه وباالاضافه انه كان مغامراّ بفروسيتّه الى حدٍ بعيد ومطيعٍ لاخيه في كل شيئ والدليل على ذلك قصيده للفديع وهي كالتالي :
يابو ذعار افديك لونـي لحالـي واصبر على الدنيا وباقي تعبهـا وان غمّ اخوه معثريـن العيالـي انا لخويه سعـد عينـه عجبهـا وان جنّ مثل مخزمات الجمالـي كم سابقٍ تقزا وانا مـن سببهـا كم خفرةٍ قـد حرمّـت للدلالـي لبست سوادٍ عقب لـذّة طربهـا وان جيت لي قفرٍ من النشر خالي يفرج بي الحوّاز يوم أقبـل ابهـا افديك ياشالـح بحالـي ومالـي يافارس الفرسان مقـدم عربهـا يامتيّهٍ أبلـه بـروس المفالـي ياللي حميت أحدودهـا ياجنبهـا
فتأثر شالح بما قاله الفديع فرد قائلاّ :
واخوي ياللي عقب فرقاه باضيـع كنيّ بما يجري على العمـر داري اخوي ياستـر البنـيّ المفاريـع ومطلق لسان اللي باهلها تماري ماقطّ يومٍ شـد بيـن الفراريـع ياكود مابين الكمـى والمشـاري ليته عصاني مـرةٍ قـال ماطيـع كود انيّ اصبر يوم تجري الجواري انشهد انّه لي سريـع المنافيـع عبدٍ مليكٍ لـي ولانـي بشـاري تشهد عليه مناتـلات المصاريـع ومطلق لسان اللي باهلها تماري يمناه تنثر من دماهـم قراطيـع وعوق العديم اللي بدمّـه يثـاري جداّع سفرين الوجيـه المداريـع خلي سروج الخيل منهم عـواري القلب ماينسـى بعيـد المناويـع ليثٍ على صيد المشاهير ضـاري
ووقع ماتوقعه شالح عن مستقبل اخيه الفديع والذي قتل في احدى معارك قحطان مع عتيبه ورثاه بالقصيده المشهوره وهي كالتالي
امس الضحى عديت روس الطويلات وهيضت في راس الحجا ماطرالـي وجريت من خافي المعاليق ونّـات والقلب من بين الصناديـق جالـي واخوي ياللي يم قارة ( خفا ) فات من عاد من عقبه بيستـر خمالـي ليته كفاني سـوّ بقعـا ولا مـات وانـا كفيتـه سـوّ قبـرٍ هيالـي وليته مع الحييـن راع الجمـالات وانا فدا له مـن غبـون الليالـي واخوي يومن بعض الأخوان فـلاّت من خلقته ماقـال ذا لـك وذالـي تبكيه هجنٍ تالـي الليـل عجـلات ترقب وعدها يوم غـاب الهلالـي وتبكي على شوفه بنـيٍ عفيفـات ومن عقب فقـده حرمّـن الدلالـي عوق العديم ان جاء نهار المثارات والخيل من حسّه يجيهـن أجفالـي
وبقى شالح حزينّا على أخيه فعزم بالثأر للفديع .. وبقى شالح يترقّب الفرص بالحمده من رؤساء عتيبه بعد ان تقابل الطرفين في احدى المعارك .. عمد احد فرسان ال هدلان للفارس عبيد بن تركي بن حميد فقتله ..فكبرت مصيبة الحمده على مقتل عبيد .. فقال ضيف الله بن تركي هذه القصيده :
ياونتـي ونّـة كسيـر الجبـاره اليا وقف مااحتال واليا قعـد ونّ عليـك ياشبّـاب ضـوّ المنـاره عليك ترفـات الصبايـا ينوحـن من مات عقب عبيـد قلنـا وداره لاباكـيٍ عقبـه ولا قايـلٍ مـن تبكيه صفـراّ البسوهـا الغيـاره وتبكيه يـوم انّ السبايـا يعنـن وتبكيه وضـحٍ ربعّـت بالزبـاره اليا قـزن مـن خايـعٍ مايـردّن الخيل عقب عبيـد مابـه نمـاره وشعاد لوّ راحن ووشعاد لوّ جـنّ ياشيخ ماتامـر عليهـم بغـاره كود الجروح اللي على القلب يبرن يقطـع صبـيٍ ماينـادي بثـاره الى اقبلن ذولـي وذوليـك قفّـن ياهل الرمك كلٍ يعسـف امهـاره والمنع مانطريه لاهـم ولا حـن
فرد شالح بن هدلان على قصيدة ضيف الله بالقصيده التاليه :
ضيف الله اشرب ماشربنـا مـراره واصبر وكنّك شالـحٍ يـوم حـزّن راح الفديع اللـي علينـا خسـاره واخذ قضاه عبيـد حامـي ثقلهـن يمنىّ رمت بـه ماتجيهـا الجبـاره اللي رمت بعبيـد فـي معتلجهـن من نسل ابوي وضاريٍ بالشطـاره يصيب رمحه يوم الأرمـاح يخطـن وعبيـد خلـيّ طايـحٍ بالمـعـاره عليه عكفـات المخالـب يحومـن وعادتنـا بالصيـد ناخـذ اخيـاره ثلاة الجذعـان غصـبٍ بـلا مـن ياقاطع الحسنى ترى العلـم شـاره لابـد دورات الليـالـي يــدورن حريبنـا كنّـه رقـيـد الخـبـاره خطرٍ عليه اليا توقّـظ مـن الجـن مانـي بقـصّـادٍ بلـيّـا نـمـاره اجدع نطيحي بالسهـل وان تلاقـن من حل دار النـاس حلـوّ اديـاره لابـد ماتسكـن ديـاره ويغـبـن ومن شق ستر الناس شقوّ استـاره ومن ضحك بالثرمان يضحك بلا سن وان كان ضيف الله يعسّف امهـاره فمهارنا من عصـر نـوحٍ يطيعـن
وعندما جلس شالح وقت وهو حزين على موت الفديع ورضى بقضى الله وقدره ... أعاضه الله ........( بذيب ) ...........
وكان لشالح ستة ابناء ( ذعار . وذيب . ومناحي . وسداح . وعبدالله . ومحمد ) رباهم شالح على مكارم الأخلاق وعلى الفروسيه وتبيّن لأب من سيعوضه بالفديع فكان ذيب محط اهتمام والده حيث بزغ نجم الفروسيه به والشجاعه والرجوله من الصغر وبرز ذيب واصبح مضرب المثل بشجاعته بين قبائل الجزيره العربيه وذات يوم اجتمع كبار قحطان في أمر مالم يدعو فيه شالح ... فغضب شالح من ذلك الأمر وقرر الرحيل وقال هذه القصيده المشهوره
انا ليا كثرت الأشاويـر ماشيـر حلفـت ماتـي بـارزٍ مادعانـي وانا خويّـه بالليـال المعاسيـر والا الرخا كلـنٍ يسـد بمكانـي وشوري ليا هجّت توالي المظاهير شلفاّ عليها رايـب الـدم قانـي شلفّا معوّدها لجـدع المشاهيـر يوم السبايـا كنهـا الديدحانـي ماني بخبـلٍ مايعـرف المعاييـر قدني على قطع الفرج مرجعانـي ان سندوّ حدرت صوب الجوافيـر وان حدروا سنـدت لمرييغانـي تاخذ بخيران المريبـخ مساييـر ومادبر المولى على العبد كانـي
فرحل شالح بعد هذه القصيده الى قبيلة الدواسر ... واثناء وجود شالح مع الدواسر أغار فرسان عتيبه على الدواسر وكان عمر ذيب 14 سنه وكان والده قد اعد فرساّ من الخيل ودربه على فنون القتال لانه يعلق عليه امالاّ كبيره وكان الدواسر قد لحقو بالمغيرين وارتدوّا ابلهم ومعهم ابن جارهم ذيب بن شالح والذي دفع بجواده الى فارس من فرسان عتيبه فضربه بالرمح واخذ جواد الفارس وتعتبر غنيمه واللتي اتضح بعدها انه لايعادلها شي من خيل اعتيبه وربما نجد ايضّا وعندما علم الأمير محمد بن سعود بن فيصل ومحمد بن رشيد امير حائل ارسل كلٍ منهما رساله لطلب الفرس الغنيمه من شالح ... ولكنه اعتذر وقال هذه القصيده :
ياسابقي كثرت اعلوم العرب فيـك اعلوم الملوك امن اولٍ ثـم تالـي لاني بلا بايـع ولانـي بمهديـك وانا اللي استاهل هدوا كل غالـي وانتي من الثلث المحرّم ولا اعطيك وانتي بها الدنيا شريـدة حلالـي ياما حلى خطو القلاعـه تباريـك افرح بها قلب الصديـق الموالـي وياما حلى زين الندا في مواطيـك في عثعثٍ توّه من الوسـم خالـي وياحلو شمشولٍ من البدو يتليـك بقفرٍ به الجـازي تـرب الغزالـي الخير كلّه نابـتٍ فـي نواصيـك وادله ليا راعيـت زولـك قبالـي بالضيق لوجيه المداريـع نثنيـك وعجله وريضه من خلال التوالـي حقك عليّ اني مـن البـر ابديـك وعلى بدنك الجوخ أحطّه اجلالـي يانفدا اللي حصلك مـن مجانيـك جابك عقاب الخيل ذيـب العيالـي جابك صبيّ الجود من كف راعيك في ساعةٍ تذهل عقـول الرجالـي ياسابقـي نبـي نبعّـد مشاحيـك والبعد سلـم مكرميـن السبالـي صوب الجنوب وديرته ننتحي فيـك لربعٍ من الأوناس قفـرٍ وخالـي
ورحل بعد ذلك الى الربع الخالي خوفاّ على جواد ذيب تؤخذ قسراّ وفي هذه الفتره سطع نجم ذيب بن شالح واتجهت له الأنظار وزاد حب ابوه له وادرك شالح بانه مفارق ذيب لا محاله وقال شالح وهو يرثي ذيب بالقصيده المشهوره وهو حياّ !!! :
ماذكر به حيّا بكـى حـي ياذيـب واليوم انا ببكيـك لـو كنـت حيّـا وياذيب يبكونك هل الفطـر الشيـب ان لايعتهـم مثـل خيـل المحيّـا وتبكيك قطعـانٍ عليهـا الكواليـب وشيّال حمل اللـي يبـون الكفيّـا وتبكيك وضـحٍ علقوهـا دباديـب ان رددت من يمّة الخـوف عليـا ويبكيك من صكّة عليـه المغاليـب ان صاح باعلى الصوت ياهل الحميّا ننزل بك الحزم المطرّف الى هيـب ان رددوهـن ناقلـيـن العصـيّـا انا اشهد انك بيننـا منقـع الطيـب والطيـب عسـرٍ مطلبـه ماتهيّـا
وبعدها كان ذيب جالس عند والده وكان شالح يمازح ذيب بهذه الأبيات ... ولكن ذيب اخذ الأمر بجديّه : وهذا ماقاله شالح بممازحة ابنه ذيب :
ياذيب انا يابـوك حالـي تـرداّ وانا عليك امن المواجيب ياذيـب تكسب لي اللي لاقحٍ عقب عـداّ طويلة النسنوس حرشا عراقيب تجر ذيـلٍ مثـل حبـل المعـداّ وتبري لحيرانٍ صغارٍ حباحيـب واشري لك اللي ركضها ماتقـدا ماحدٍ لقى فيها عيوب وعذاريب قبّا على خيل المعـادي تحـدى مثل الفهد يوثب عليهم تواثيـب انشهـد انـك باللـوازم تسـداا وانشهد انك خيرة الربع بالطيـب ياللي على ذيب السرايـا تعـدا لو حال من دونه عيال وعواطيب ليثٍ على درب المراجل مقـدى مافيك ياذيب السرايـا عذاريـب
وبعد ماسمع ذيب قصيدة والده عزم على الغزو ومعه شبّان من قبيلة قحطان نحو عتيبه وعندما قصدوا منهل يرتاده عتيبه ... لمحه احد الرماه هو ورفاقه فاطلق عليه النار واصابت ذيب بن شالح اصابه قاتله.. فعندما سمع شالح بهذا الخبر .. كبرت مصيبته بفقد ابنه ذيب وقال هذه القصيده المشهوره :
ياربعنا ياللي على الفطر الشيـب عزالله انه ضـاع منكـم وداعـه رحتو على الطوعات مثل العياسيب وجيتوا وخليتوا لقلبـي بضاعـه خليتـو النـادر بـدار الاجانيـب وضاقت بي الافاق عقب اتساعـه تكدرن لي صافيـات المشاريـب وبالعون شفت الذل عقب الشجاعه ياذيب انا بوصيك لاتاكـل الذيـب كم ليلةٍ عشاك عقـب المجاعـه كم ليلةٍ عشّاك حـرش العراقيـب وكم شيخ قومٍ كزتّه لـك ذراعـه ويضحك ليا صكذت عليه المغاليب ويلكد على جمع العدو باندفاعـه وبيته لجيرانه يشيّد على الطيـب وللضيف يبنى في طويل الرفاعـه جرحي عطيب ولا بقى لي مقاضيب وافخت حبل الوصل عقب انقطاعه كني بعد فقده بحامـي اللواهيـب وكنيّ غريب الدار مالي جماعـه من عقب ذيب الخيل عرجٍ مهاليب ياهل الرمك ماعاد فيها طماعـه قالو تطيب وقلت وشلـون بطيـب وطلبت من عند الكريم الشفاعـه
ندم شالح على قصيدته اللتي ادت لغزوة ذيب المشؤمه وكانت من اسباب مقتل ذيب .. وقال شالح هذه القصيده النادره واللتي لم تشتهر كقبيلاتها من القصائد المشهوره وهي كالتالي
ذيبٍ عوى وانا على صوتـه اجيـب ومن ونتي جضّت ضواري اسباعـه عزالله انيّ جاهـلٍ مااعلـم الغيـب والغيب يعلم بـه حفيـظ الوداعـه يالله يـارزّاق عكـف المخالـيـب يامحصـيٍ خلقـه ببحـره وقاعـه تفرج لمن صابه جـروحٍ معاطيـب وقلبه من اللوعـات غـادٍ اولاعـه ان ضاق صدري لذت فوق المصاليب ماني بمن يشمـت فعايـل ذراعـه صار السبب مني على منقع الطيـب ونجمي طمن بالقاع عقب ارتفاعـه ياطول ماعجيتهـن مـع لواهيـب ولاني بداري كسرها مـن ضلاعـه وياطول مانوختّهـا تصـرخ النيـب وزن البيوت اللـي كبـارٍ رباعـه واضوي عليهم كنهم لـي معازيـب اليا رمى زيـن الوسايـد اقناعـه واضوي عليهم واتخطـى الأطانيـب وأخـذ مهاويـة الجمـل باندفاعـه ابنذر اللي من ربوعي يبـا الطيـب لاياخـذ الا مـن بيـوت الشجاعـه يجي ولدهـا مـذربٍ كنّـه الذيـب عـزٍ لبـوه وكـل ماقـال طاعـه وبنت الردي ياتي ولدها كما الهيـب غبـنٍ لبـوه وفاشـلٍ يالجماعـه يكبر زوله عنـد بيـت المعازيـب متحـريٍ متـى يـقـدّم متـاعـه
وبقى شالح حزين على ابنه ذيب ... وذات ليله سمع بشخص يدعى الهويدي من قحطان ينشد عن طيره ويصوّت .. من عيّن الطير ... فهاضت قريحة شالح وقال الأبيات التاليه :
ان كان تنشد يالهويدي عن الطير الطيـر والله يالهويـدي غدالـي طيري عذاب معسكرات المسامير ان حل عند قطيعهـن الجفالـي ان جاء نهارٍ فيه شرٍ بلا خيـر وغدا لهن عند الطريح اجتوالـي ان دبـرٍ خيـلٍ وخيـلٍ مناحيـر وغدن مثل مخزمـات الجمالـي على الرمك صيده عيالٍ مناعيـر وشرّه على نشر الحريب الموالي يضحك الى صكّت عليه الطوابير طير السعد قلبه من الخوف خالي خيالنا وان عرجـدن المظاهيـر وزيزوم عيراتٍ طواها الحيالـي غيثٍ لنا وان جت ليال المعاسير وبالشح ريفٍ للضعوف الهزالـي يسقي ثراه امن الروايح مزابيـر تمطر على قبرٍ سكن فيه غالـي
وفي احد الأيام ..كانت احدى بنات الهدلان .عندما سمعت جماعه من ال ذيبه ال حسن الخنافر يصوتون لراعي لديهم اسمه ذيب واخذو يرددون اسمه وينادونه فاثارت شجون بنت ال هدلان على ذيب بن شالح وقالت :
ليت ال ذيبه مادعو عندنـا ذيـب يومٍ قلبي سـج منـه ونسينـاه فإن ذيبهم ذيب الغنم والمشاريـب إن ذيبنا نمرٍ على الخيـل ينضـاه ذيبٍ شفا الادنى وجوع الأجانيـب على النقا والسرق ماهو بيدنـاه لا واقمحي يافارك العرف بالطيب اتجر ثوب القز والقـرن تشعـاه لا واقمحي يامناتلات المصاليـب والهجن عقبـه نيّهـا زاد مبنـاه الجد بن مزحم تراثة هل الطيـب في قولهـم والا بعـد مالحقنـاه وابوه شالح شوق بيض الرعابيب قلايعه خمس وثمانيـن مسمـاه ياكم عزل من جـل ذودٍ حنازيـب وكم ذود مصلاحٍ تخـرّج خلايـاه ذيب النضا ذيب الرمك منقع الطيب ومن مات يالدحّام عقبه نسينـاه
ومن اخبار شالح بن هدلان :
تجاور شالح بن هدلان وظافر الحوير القحطاني وغزو الاثنين معاّ ... فخالفهم الجدري على اهلهم ومات الكثيرون ومن ضمنهم زوجة شالح وزوجة ظافر .. واتفقو الأثنين ان لايتزوجوا الا جميعاّ ... فتزوجوا جميعاّ وبعد فتره تواجها وكلٍ يسأل الثاني عن ماواجهوو ... وقدّ توفّق ظافر بزواجه عكس شالح ..فقال شالح :
لاوهنيّـك يالحويّـر هنـيّـاه يوم انت في شوقك لقيت البدايل وانا وليفـي مالقينـا حلايـاه لو دوجوبي في قفـارٍ وحايـل وليفي اللي كل ماجيت بنسـاه دعو سميّه ذاهبيـن الحمايـل يفز قلبي كل مااوحيت طريـاه فز المحبب من خشوم الفتايـل ياطول ماني في ذرا البيت ويّاه من بيننا ينشر جثيـل الجدايـل مادام في شقراء دلالٍ مراكـاه ومادام فالحوطه غروس ٍ ظلايل ومادامت الحضران للبر تـذراه ومدامت البدوان تقني الرحايـل ومادامت الحجاج للبيت تنصـاه ومادامت الحكّام تقني الأصايـل كن الزباد الخلص داخل شفاياه من مبسمٍ مايدهله كـل سايـل
كان لشالح صديق من اهل الحوطه يدعى فوّاز صاحب نخل وفلاحه وكان شالح يزوره بين وقت واخر وفي احدى الزيارات عرض صديقه عليه ان يترك الباديه ويبيع النخل وينزل عنده فقال شالح هذه القصيده الذي يذكر فيها حبّه للباديه وفرسه العبيّه :
يادار ابو موسى عليك التحيّـه راعي دلالٍ باشقر الكيف بـراّز شيخٍ ولد شيـخٍ فعالـه طريـه ملفى لاهل هجنٍ من البعد عجّاز والله يالولا حبن بنـت العبيّـه ان اتحضرا فالبلد عنـد فـوّاز شبهتها والشيخ يقهـر كميّـه ادميةٍ عدّت على حشم محـواز يازينهـا بالجـوخ والقرمزيـه الى زبر جمعٍ ورا جمعٍ اركـاز نلحق بمصطورٍ سريع الهويـه يضرب بحد الرمح ماهو بهـوّاز اردهـا لعيـون جالـي الثنيـه غروٍ صغيرٍ كل ماجا الخبر فاز فعلٍ لبوي وفعـل جـديٍ وليّـه ماكر حرارنٍ ماشرك فيهن الباز هل فرسةٍ من عاد بقعا صبيّـه لاجا النذر نرسي ولا حن بنرّاز
وهذه هي اخبار وفروسيّة شالح واخيه الفديع وابنه الذيب .. وهم احد فرسان الجزيره العربيه اللتي تفخر بهم ويبقون ذكراّ حميداّ لكل جيل وبعد جيل ..وهذه السيره العطره هي لاحد فرسان قبيلة قحطان العريقه
آسف علي الأطالة ولكم جزيل الشكر...........
السيف
المدير العام
عدد الرسائل : 287 العمر : 48 my sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">اكتب الرساله التى تحب ظهورها من ملفك الشخصي</marquee></fieldset></form><!--- MySMS By AlBa7ar Semauae.com --> تاريخ التسجيل : 25/09/2007
موضوع: رد: سيرة الشاعر البطل شالح بن هدلان ونماذج من شعره الثلاثاء يناير 15, 2008 8:23 pm
مشكور على هذه السيره
للشاعر البطل
اطيب تحيه
ملاك
نائبةالمدير
عدد الرسائل : 664 مكان الاقامه : في قلب من يحب الاوسمه : my sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">اكتب الرساله التى تحب ظهورها من ملفك الشخصي</marquee></fieldset></form><!--- MySMS By AlBa7ar Semauae.com --> تاريخ التسجيل : 13/11/2007
موضوع: رد: سيرة الشاعر البطل شالح بن هدلان ونماذج من شعره الخميس يناير 17, 2008 10:56 pm
يحيى الشعراء ويحيى وهج
يسلمو خيو ماننحرمش
ابومالك
عضو نشيط
عدد الرسائل : 134 الاوسمه : my sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">اكتب الرساله التى تحب ظهورها من ملفك الشخصي</marquee></fieldset></form><!--- MySMS By AlBa7ar Semauae.com --> تاريخ التسجيل : 02/12/2007
موضوع: رد: سيرة الشاعر البطل شالح بن هدلان ونماذج من شعره الخميس يناير 17, 2008 11:43 pm
مشكور وهج
يعطيك العافيه
عاشق سماوا
مشرف المنتديات الآدبيه
عدد الرسائل : 81 العمر : 49 my sms :
تاريخ التسجيل : 10/10/2007
موضوع: رد: سيرة الشاعر البطل شالح بن هدلان ونماذج من شعره السبت يناير 19, 2008 5:23 pm
شكرا جزيلا على هذه الصفحه المشرقه باخبار الكرام ورحم الله شالح حيث ان الحكمة جرت على لسانه في هذه الابيات
ابنذر اللي من ربوعي يبـا الطيـب لاياخـذ الا مـن بيـوت الشجاعـه يجي ولدهـا مـذربٍ كنّـه الذيـب عـزٍ لبـوه وكـل ماقـال طاعـه وبنت الردي ياتي ولدها كما الهيـب غبـنٍ لبـوه وفاشـلٍ يالجماعـه يكبر زوله عنـد بيـت المعازيـب متحري متى يقدم متاعه
لك احلى الاماني
الجوري
عضو جديد
عدد الرسائل : 40 my sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">اكتب الرساله التى تحب ظهورها من ملفك الشخصي</marquee></fieldset></form><!--- MySMS By AlBa7ar Semauae.com --> تاريخ التسجيل : 28/11/2007
موضوع: رد: سيرة الشاعر البطل شالح بن هدلان ونماذج من شعره الثلاثاء فبراير 19, 2008 5:44 pm
مشكور وهج
وهج2007
مشرف المنتديات العامة
عدد الرسائل : 268 العمر : 45 الاوسمه : my sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">اكتب الرساله التى تحب ظهورها من ملفك الشخصي</marquee></fieldset></form><!--- MySMS By AlBa7ar Semauae.com --> تاريخ التسجيل : 09/10/2007
موضوع: رد: سيرة الشاعر البطل شالح بن هدلان ونماذج من شعره الثلاثاء فبراير 26, 2008 1:55 pm
الثلاثاء يناير 15, 2008 5:25 pm
ويحيى وهج 
